Corrie Sanders. (Joyrene Kramer)
Johannesburg – Die
voormalige swaargewig-bokskampioen Corrie Sanders is dood ná hy Saterdagaand in
die maag gewond is tydens ’n gewapende roof buite Brits, het die weekblad
Rapport berig.
Kallie Kriel, voorsitter van die burgerregte-organisasie AfriForum, was toevallig op dieselfde tyd by dié restaurant, Thatch Haven.
“Ons was op pad huis toe na ’n krieketwedstryd van my seun. Die kinders het ingehardloop gekom en gesê die skote het geklap en die koeëls het net bokant hulle koppe getref,” het Kriel volgens die koerant gesê.
Kriel het Sanders buite die restaurant op die grond aangetref.
“Die man was in baie pyn,” het hy gesê.
Ser. Kelebogile Moiloa, 'n polisiewoordvoerder, het bevestig dat daar ’n skietery was en dat een man gewond is.
Sanders is na die Kalafong-hospitaal buite Pretoria oorgeplaas omdat hy ernstig gewond is.
Die polisie ondersoek sake van poging tot moord en gewapende roof teen drie verdagtes, maar niemand is in dié stadium in hegtenis geneem nie.
Rapport het Sondagoggend berig dat Saunders later beswyk het aan sy wonde.
Kallie Kriel, voorsitter van die burgerregte-organisasie AfriForum, was toevallig op dieselfde tyd by dié restaurant, Thatch Haven.
“Ons was op pad huis toe na ’n krieketwedstryd van my seun. Die kinders het ingehardloop gekom en gesê die skote het geklap en die koeëls het net bokant hulle koppe getref,” het Kriel volgens die koerant gesê.
Kriel het Sanders buite die restaurant op die grond aangetref.
“Die man was in baie pyn,” het hy gesê.
Ser. Kelebogile Moiloa, 'n polisiewoordvoerder, het bevestig dat daar ’n skietery was en dat een man gewond is.
Sanders is na die Kalafong-hospitaal buite Pretoria oorgeplaas omdat hy ernstig gewond is.
Die polisie ondersoek sake van poging tot moord en gewapende roof teen drie verdagtes, maar niemand is in dié stadium in hegtenis geneem nie.
Rapport het Sondagoggend berig dat Saunders later beswyk het aan sy wonde.
No comments:
Post a Comment