Swak HOP-huise kos belastingbetaler R50 miljard

23/08/12

· Redaksie

Volgens Minister van Menslike Nedersettings Tokyo Sexwale het sub-standaard konstruksiewerk aan laekoste behuising in SA die afgelope jare, die staat gelaat met ’n herstelrekening van sowat R50 miljard. Na aanleiding daarvan het Sexwale gevra of dit nie tyd is vir die skepping van ’n staatsbeheerde behuisingskonstruksiemaatskappy nie. Hieroor ontvang hy graag insette, maar hy is huiwerig om ’n verdere R25 miljard beskikbaar te stel vir herstelwerk aan slordige HOP-huise. Hy het bygevoeg dat SEB nie ’n lisensie is vir sub-standaard konstruksiewerk nie. Inmiddels is bekendgemaak dat die Vrystaatse Dept. van Samewerkende Regering, Tradisionele Aangeleenthede en Behuising tans sit met ongemagtigde uitgawes van sowat R500 miljoen – volgens Sexwale die grootste bedrag van sy soort ooit vir ’n provinsiale departement.

http://www.ditsem.net/berig.php?id=693